Powered by Blogger.

Հաշվիչ

Яндекс.Метрика

Ընդհանուր դիտումներ

Wednesday, July 9, 2014
Ժայռապատկեր, պետրոգլիս(petros-քար և glyphe-փորագրություն)-քարանձավների պատերին, առաստաղներին, ժայռերի և քարերի մակերեսներին արված հնագույն պատկերներ ու տեսարաններ: Ժայռապատկերները հայտնի են երկրագնդի բոլոր մասերում՝ աշխարհի ավելի քան 120 երկրներում: Հնագույն ժայռապատկերները վերաբերվում են հին քարե դարին, վերջինները՝ միջնադարին: Կատարման տեխնիկայով բազմազան են՝ հանքային ներկերով արված բազմագույն նկարներից մինչև տարբեր որակի ուրվագծային պատկերներ ու հարթաքանդակներ:

Հայտնաբերված ժայռապատկերներից և նախամարդու կողմից արված բազմաթիվ որմնանկարներից առավել ուշագրավ են Ֆրանսիայում գտնվող Լասկո քարայրում հայտնաբերված պատկերները: Լասկո քարայրը, որի երկարությունը կազմում է մոտ 250 մետր, հաճախ անվանում են նաև նախնադարյան մշակույթի «Սիքստինյան կապելլա», այնտեղ առկա նկարների բազմազանության շնորհիվ: Քարայրում առկա հարուստ հնագիտական նյութը թվագրվում է 18-ից 15-րդ հազարամյակներին:
Ֆրանսիայի հարավում գտնվող Շովե քարայրը, որտեղ հայտնաբերվել են մոտ 300 նկարներ, որոնք թվագրվում են մթա 33.000-30.000թթ.: Նկարներում հիմնականում պատկերված են տարբեր տեսակի կենդանիներ, որոնց մի զգալի մասը գոյատևել է սառցե դարաշրջանում և այլևս գոյություն չունի:
Նախնադարի ընդգրկուն գաղափարաբանությունն արտահայտելու համար ժամանակի արվեստագետները ընտրել են սխեմատիկ, պայմանական ձևերը, արվեստի ընդհանրացված, խորհրդապաշտական լեզուն: Նրանք պետք է խորհրդանիշների՝ պատկերագրերի և նշանագրերի միջոցով սերունդներին պատմեն իրենց կենսագործունեության բոլոր կողմերի մասին: Էպիկական պատմողական լավագույն արտահայտչաձևերը կարող էին ոճավորված, աբստրահարված պատկերներ լինեն, որոնցում նատուրալիստական ձևերի միտումնավոր խողմամբ ստեղծվում էին էքսպրեսիվ և դինամիկ կերպարներ: Ժայռապատկերները միասնական ոճի մեջ պատմում են նախնադարյան բնապաշտ-բնախույզի դիտարկումների և երևակայության խորհրդավոր աշխարհի մասին: Գծանկարային ժայռապատկերները նախնադարյան մարդու նկարելու անկարողության արգասիքը նյութականացնելու համար նա ստեղծում է արվեստի նոր լեզուն՝ արտահայտելու համար իր զգայական ներաշխարհը և համատիեզերական պատկերացումները ճիշտ այնպիսի արտահայտչաձևով, ինչպիսիք որդեգրվում են միջնադարյան արվեստի, ապա ավանգարդիստական ուղղությունների ձևաստեղծումներում:

0 comments: