Powered by Blogger.

Հաշվիչ

Яндекс.Метрика

Ընդհանուր դիտումներ

Wednesday, July 9, 2014
Նախնադարյան արվեստի պատմության ուսումնասիրության համատեքստում կարևոր տեղ են զբաղեցնում նաև գեոգլիֆները և մեգալիթները:
Գեոգլիֆները իրենցից ներկայացնում են մեծ տարածությունների վրա արված տարբեր նշանակության նշումների և կենդանիների պատկերներ, որոնք կարելի է տեսնել միայն մեծ բարձրություններից: Դրանցից առավել հայտնի են Նասկայի գեոգլիֆները Պերուում:
Գեոգլիֆների վերաբերյալ որևէ հստակ բան ասել գիտությունը այսօր դժվարանում է, քանի որ անհասկանալի ու չբացահայտված է մնում այն հարցը, թե ինչպես են նախնադարում ապրող մարդիկ կարողացել պատկերել դրանք, այն դեպքում, երբ այդ գեոգլիֆները հայտնաբերվել և տեսանելի են դարձել ինքնաթիռների ի հայտ գալուց հետո: Այսօր աշխարհում հաշվարկվում է մոտ 50 գեոգլիֆներ, որոնք հիմնականում գտնվում են Հարավային Ամերկայի, Աֆրիկայի, Ռուսաստանի, ԱՄՆ-ի տարածքներում: Վերջին շրջանում գեոգլիֆների հայտնաբերումը նպաստեց նաև Google Earth ծրագրի կիրառմանը: 2007 թվականին այդ ծրագրի գործադրման շնորհիվ Ուրալում հայտնաբերվեց հսկայական չափսեր ունեցող եղջյուրի պատկեր, որը թվագրվում է 6-ից 10 հազար տարվա վաղեմության:
Հարավային Ամերիկայում հայտնաբերված «Ատակամայի հսկա» անունը կրող գեոգլիֆը՝ օրինակ, թվագրվում է մեզանից մոտ 9000 տարի վաղեմության և համարվում է նախապատմական շրջանի ամենահին գեոգլիֆներից մեկը: Երկրագնդի վրա հայտնաբերված ամենամեծ գեոգլիֆը Ավստրալիայի հարավում գտնվող «Մարեի մարդ» կոչվող գեոգլիֆն է, որի երկարությունը 4.2 կմ է: Այն տեսանելի է միայն 5000-10.000 մետր բարձրությունից:
Նախնադարյան ճարտարապետության առաջին նմուշները կարելի է համարել մեզանից 5000-6000 տարվա վաղեմություն ունեցող քարե կառույցներ, որոնց 19-րդ դարից սկսած անվանում են մեգալիթներ: Մեգալիթները իրենցից ներկայացնում են քարե կառույցներ՝ կերտված հսկայական քարե բեկորներից: Դրանց նշանակության վերաբերյալ տեսակետներն ու վարկածները նույնպես բազմաթիվ են: Հետազոտողների գերակշռող մեծամասնությունը հակված են այն կարծիքին, որ մեգալիթները հնում իրականացրել են պաշտամունքային շինությունների գործառույթ: Մի մասը կարծում է, որ դրանք իրենցից ներկայացրել են դամբարան-սրբատեղիներ, կամ ինչ-որ աստղաչափական հետազոտությունների համար նախատեսված շինություններ: Մեգալիթները հայտնաբերվել են երկրագնդի գրեթե բոլոր մայրցամաքներում, որոնցից առավել հայտնի են Եվրոպայում և Ամերիկայում հայտնաբերվածները:
Մեգալիթային հուշարձանների տեսակները.
Մենհիններ-մենքարեր. Սրանք հիմնականում կանգնեցվում էին տոհմապետերի գերեզմանների վրա
Դոլմեններ. Կանգնեցվում էին մեկ կամ մի քանի դամբարանների վրա. համարվում էին զորասեղաններ
Եղել են նաև վիշապանման հուշարձաններ, արևանման տեսք ունեցող հուշարձաններ, որոնք կոչվում էին կրոմլեխներ:
Կրոմլեխները համարվել են ամենահանելուկային ու ամենաբարդ կառույցները: Գիտնականները կարծում են, որ դրանք զոհերի հոգիների հետ կապված հուշարձաններ են: Ամենահայտնի կրոմլեխներից է համարվում Անգլիայի «Stone edge»-ը (Քարահունջ): Ըստ տեղեկությունների այն կառուցվել է մթա 1600-ական թվականներին:

0 comments: